أدب
الضحكة أنواع للشاعرعبد المنعم حمدي رضوان
الشاعر /عبد المنعم حمدي رضوان
مين قال لك ان اللى بيعلى
ضحكتةسعيدفرحان
ممكن بيدارى بضحكتة همة
وهو من جواةحزنان
رب النفوس اعلم باسرارها
فى الاعلان والكتمان
فى ناس بتضحك لأجل
ينسوا جرحهم والاحزان
لو شفته تقول ياسعده
ياهناة وفرحة وهو زعلان
وناس بتضحك قدام من
يتمنى لها شر او شمتان
وفية ابو ضحكة صفرا
لأجل يخبى نيتة متبان
واللى بيضحك وضحكتة
خبيثة بيتشفى وشمتان
و اللى بيسخر بضحكتة
مش عاجبة حال الزمان
وضحكة سعادة ورضا فى
صحبة الاهل والخلان
وضحكة ملعلعة نادية
وصافية من البنات والشبان
وضحكة وليد معاها تفرح
و يزول الهم والاشجان
لا كل ضحكة مسرة ولاكل
ضحكة صاحبها فرحان
