أدب
الستات – للشاعر عبد المنعم حمدي رضوان
الستات
عبد المنعم حمدي رضوان
كل اللى يقول إن الستات نوع
واحد ده راجل بيقول تخاريف
فى الانانة و الحنانه والمنانه
والزنانه وتقدر تزيد وتضيف
و فى المكتومه ام بوز ملوى
ومكشره دايما دول صنف مخيف
وفى العقربه الحربايه ام لسان
زالف جلابه الشر قول يالطيف
وفى ستات صعب يتقال عليهم
ستات دول خارج التصنيف
وفى الستات البلسم ام صباح
نادى وشها متبسم ودم خفيف
وفى اللى تملى حياتك بهجه
وسرور وتفاؤل دول جنس لطيف
وفى اللى تتجوزها تكون وش
الهنا والسعد معاها تعلى وتضيف
و اللى تتجوزها تدخل بالفقر
يبقي جيبك زى الصينى نضيف
وفيه ست اصيله تقف جنب
راجلها حبيبه وصديقه وحليف
دارت الدنيا برجالها معاه سنداه
تواسيه وتكون له خير وليف
الستات اصناف واشكال وانواع
مختلفه من كل صنف وطيف
دول حسنة الدنيا وارحمنا
وزينتها وفتننها والجنس الطيف
