• أيه هي الديدان ؟!
الديدان العباره عن نوع من الطفيليات اللي بتصيب الإنسان والحيوان وبتكون شديدة العدوي
• هل هي نوع واحد ولا كذا نوع ؟!
الديدان بتكون كذا نوع ودي أساميهم أللي بتكون موجوده فورقة التحاليل :
- الديدان الدبوسيه : oxyuris , entrobius
– الأميبا : entameba
– الأسكارس : ascaris
– الأنكلستوما : ancylostoma
– الجيارديا : giardiasis
• أزاي بيحصل عدوي ؟!
– ممكن تتنقل من شخص للتاني عن طريق الحمام ” التواليت ” بأستخدام شخص سليم للحمام بعض شخص مريض
– برضوا بتتنقل عن طريق طعام ملوث ومش مغسول صح
– ملابس داخليه مش مغسوله كويس
– لعب الأطفال فأماكن عامه والتعامل عادي بدون غسل الإيد
– عدم قص الأضافر وبالأخص للأطفال
• أيه هي الأعراض الشائعه ؟!
– أنيميا أو فقر دم
– أرق وقلة النوم
– جز علي الأسنان
– سيلان اللعاب وبالأخص أثناء النوم
– عسر هضم
– أسهال مفاجأ وبعدين يتحول ل أستول طبيعي
– حكه شرجيه
– ألم بالبطن
– بعض الأحيان شرائط بيضا فالبراز أو مخاط
– تعنيه شديده ( بمعني الشعور أنه عايز يعمل أستول ويحزق وميعملش “
• هل الديدان بتسبب الأنيميا ؟؟
أيوه بتكون سبب كبير جدا للانيميا زي ما أستعرضنا الأعراض ومهما تم علاج الانيميا أو فقر الدم مش حيتعالج بدون علاج الديدان
• أيه هي طرق العلاج والوقايه ؟!
لو ظهر علي الطفل عرض أو أكتر بتعملي تحليل براز وتتأكدي من وجود ديدان ولا لأ ، ولو ظهر وجودها الطفل بياخد مطهر معوي ، وفيه بعض الأطفال بيكون عندهم تكيس وده معناه أن الديدان بقالها حوالي ٦ شهور فبياخد جرعات مكثفه من المطهر وبعد الأنتهاء من الدوا ، الطفل بيريح من الدوا ١٠ أيام وبتعيدي التحليل تاني ..
وطبعا تلتزمي بغسيل الأيدين قبل الأكل وبعد دخول الحمام والأهتمام بتغير الملابس الداخليه وغسيلها بمايه سخنه وكمان تغير ملايات السرير بأنتظام ونقع الخضروات فمايه وخل وقص الضوافر لأنها بتنقل العدوي ..
وأخيرا ياريت كل أفراد الأسره تحلل تحليل براز عشان يطمنوا أن معندهومش أي نوع من أنواع الديدان ، عشان متتنقلش للطفل مره تانيه
