الحضن

كتبت /  هبة صالح

إبني طول الوقت عايزني أحضنه هل ده طبيعي. ده كان سؤال أحد الامهات؟
تعالي ياست الكل أفجأك وأقولك أن الإنسان الطبيعي علشان يقدر يتمتع بصحة نفسية كويسة محتاج من8:12 حضن في اليوم حسب الأبحاث
طيب إيه هي فائدة الحضن أصلا
الحضن من أهم الاشياء اللي بتساعد علي أفراز هرمون السعادة ويساعد علي إرتخاء العضلات وكمان بيقوي المناعة وبيساعد بشكل كبير جداً علي التوازن النفسي
الحضن هو البطارية إلي بتشحنك حب وهدوء نفسي وسلام مع محيطك
الحضن علاج سهل لضغوط النفسية اليومية أنت محتاج من 8:12 حضن في اليوم قادرين يغيرو صحتك النفسية بشكل عظيم. فما بالك الطفل إلي أنت أصلا مصدر أمانه
الحضن دفا وراحة  وأمان وسكون الحضن نعمة  من ربنا استغلوها
لما تحضن إبنك أو بنتك أو حتي مراتك أو أمك أصحابك ادي الحضن حقه حسسه منه الأمان
متشلش إبنك من حضنك إلا لما يقوم لوحده
الحضن علاج سهل لمشاكل نفسيه كتير
الحضن إحتياج لايقل في إهميته عن الإحتياج الأكل والشرب