غير مصنف
الحب نارتاكل فى الجون
الحب نارتاكل فى الجون
بقلم مصطفى سبتة
خجلان منك مكسوف
تاه يا حبيبى الكلام
وضاعت منى الحروف
ومات جوايا السلام
وعرفت معنى الخوف
خجلان منك مكسوف
كنت باحبك واصونك
واتغيرت كل الظروف
ورجعت تانى اخونك
وعلى طيرغيرك الوف
خجلان منك مكسوف
وارجع من تانى ندمان
بعد ما الف واطوف
وكأن جوايا الاحزان
نار تاكل فى الجوف
خجلان منك مكسوف
العشاق واقفين صفوف
بيغنوا لك ع الدفوف
وانا قلبى لسه مدفون
ف التراب ع الرفوف
خجلان منك مكسوف
كانى طفل كان ضال
بيحضن امه ملهوف
فرحان بعد الوصال
وبعنيكى الدنيا يشوف
خجلان منك مكسوف
وبكيت من الفراق
ودمعى صار مالوف
وتعبت من الاشواق
وبعت سلامى الوف
خجلان منك مكسوف
خلاص سماح النوبة
ومستعد ابوس الكفوف
ده ربنا قبل التوبة
سامحينى اعملى معروف
خجلان منك مكسوف
الحب نارتاكل فى الجون
