اسمع الحكاية دي
كان واطسن مع طفل قريبا له صغير ١١ شهر
الطفل دا :- كان بيخاف من الصوت العالي ، لكن مبيخفش من الحيوانات و بيحبهم
راح واطسن مقدم للطفل فأر و أول ما الولد حاول يمسكه ، يروح المؤذي واطسن راذع بمطرقة خلف رأس الطفل فيحدث صوت عالي ، فالطفل يخاف و يشيل أيده
كرر الباشا الموضوع دا بنفس الطريقة لحد ما اصبح الطفل يشوف الفأر يعيط
دا مش الفأر بس ، الموضوع امتد لباقي الحيوانات اللي لها فرو
واطسن دا جاب طفل بيخاف من الأرانب ، و بدأ يقدم للطفل الأرنب مع قطعة حلوى __ تدريجيا لقى الطفل بيتخلص من الخوف
قالك ايه بقى ،
أنك ممكن تستخدم دا على أرض الواقع مع أولادك
ازاي ؟؟؟
ركز
١_ زرع القيم و العادات السليمة
إن أنت ممكن تعلم الأطفال القيم و العادات السليمة بطريقة التعلم الشرطي دي ( وأحنا بنعلمه العادة بنقدم معاها مثير محبب للطفل _ استجابة مفرحة )
٢_ الخوف و العصبية و الغضب عندك أو عند أطفالك
إن ممكن تكون معظم المخاوف و العصبية و الغضب سببها أصلا اقتران شرطي ، ياه دا حصل كتير جدا و بيحصل و هيحصل
مثلا إحنا بنخاف من الصرصار ليه ؟ طب حكم عقلك كدا هو أصلا مبيخوفش حجمه صغير – خبطة تموته ، لكن مقترن عندنا من زمان بحد شوفناه خاف منه
٣_ المشاعر
دا كمان الحب و الكره ( المشاعر ) ممكن يكون للسبب دا
و دا أنا لمسته لما لقيت أبني في المسجد بيدعي لجده من نفسه ليه الحب دا ؟ لأنه أكتر حد بيحكيلو حواديت و بيرسمله
هنا سؤال أمهات كتير بتسأله ( إزاي أقرب من أبني ، إزاي أخلي علاقته بي كويسة ، ازاي اخليه يحبني )
٤_ العلاج النفسي
ممكن نستخدم دا في العلاج النفسي كمان على أساس تكوين ارتباطات نفسية جيدة
٥_ التعليم
لو طفل في التعليم بيكره مادة معينة ممكن يكره المدرس بتاعها ، و ممكن كمان يكره المادة بسبب المعلم
