للشاعر عبد المنعم حمدي رضوان
هى الأخلاق موضه قديمه و باعوها لوط فى مزاد
ولا كانت من بدع الماضى بعدها القبح والسوء ساد
ولا ماتت مخنوقه ودفنوها واعلنواعلى روحها حداد
ولا بقت حاجه مذمومه وممجوجه بعد الفحش مزاد
واللى يتمسك بيها مجنون مخبول ترك الحق وحاد
وقلبنا المعايير والباطل بقى حق وكتر الظلم وساد
الناس بيتعاملوا بغلظه وفظاظه ولسنه جارحه حداد
ولا عاد فيه رحمه وموده والخير قل والاجرام زاد
على اتفه شئ نتعارك مع بعض ونسب باسلوب حاد
ولا حد بيتحمل التانى ولا حد بتسامح ومكابره وعناد
ولارحمه لصغير ولا تبجيل لكبير ولا قدوة ولا هاد
ومشاكل تتفاقم ولا وازع ولا رادع زادت ع المعتاد
من غير اخلاق نتخلف ولا ننهض هى أساس وعماد
الأخلاق لنا عاصم يحفظنا ويحمينا ولنا حصن وزاد
