ولاء حماده درويش
دكتوراه الفلسفه في التربيه للطفوله المبكره
هادي-مؤدب – قاعد ساكت -.بيسمع الكلام ده ونعم التربيه أمهات كتيير تتمني تسمع الكلمه دي من الجد والجده ‘ الأصحاب ‘ المدرسين ‘ الناس في الشارع
شعور الأم بالمسئوليه المفرطه بيخليها ديما تلف في دوامه طول النهار بتعليمات زي ( اعمل ده ‘ ما تعملش ده ‘ ماتشدش،‘ سيب كل حاجه مكانها ‘ ماتتحركش ‘ اقف جنبي ‘ ماتتكلمش بالطريقه دي ‘ ماتجريش … وغيرها كتيير )
وكأن الطفل عايش بالسيف والمسطره
المحاولات دي من تحجيم شخصية الطفل ووضعها في إطار معين بتعود أحيانا علي الأم بعد يوم شاق وطويل للشعور بالضغط والإرهاق والتقصير في الوقت الي بتكون بتفني نفسها فيه لراحة أولادها
من المؤكد إن لكل طفل شخصيه مختلفه وهنا يجب التوسط في الأمور و قبول الطفل زي ماهو بنقاط ضعفه قبل نقاط قوته بالملكات الي ربنا أعطاها له والتفتيش عن النقطه الي بيحبها وبتفرق معاه وعن شغفه الي يقدر مع الوقت يوصل بيه لسقف أفضل واحترام رأيه وأولوياته
وإنه مش شرط يكون نسخه من الأب وهو صغير أو من الإخوات الأكبر وأولاد الجيران مش شرط يكون شاطر في ماده معينه ولا يتصرف بطريقه معينه
الأولاد ديما بحاجه للشعور بالحب والتقبل وأنك كأم سعيده بوجودهم مدركه لاحتياجاتهم وبتشتغلي عليها ومآمنه بقوتهم بتحبيهم زي ما هما مش زي ما المجتمع والناس عايز يشوفهم
…مهم إنهم ياخدوا مساحه من الحريه خلال اليوم يعبروا فيها عن نفسهم وشخصيتهم و قبول سلوكياتهم حتي لو بتمثل بعض المشكلات والإحراج برا البيت عادي جدا
مهم عدم التقفيل علي الطفل في اختيار ألعابه المفضله وديما يكون له جزء في اليوم للرسم أو التلوين او اللعب بالمياه والمشاركه في البيت والتغاضي عن بعض سلوكياته وعدم اللوم عليه بصفه مستمره أو الشكوي منها للآخرين
وخاصة لو ناس قريبين منه حرصا علي صورته الذاتيه
امام الأشخاص المفضلين عنده
مهم إن الطفل ياخد فرصته في تقضية اليوم بشكل مريح بالنسبه له ‘ إنه يحس الأمان وباحترام شخصيته والأخذ برأيه وبالتدريج مع الوقت حيكون مسئول عن اختياراته
الجيل الحالي معظمهم أغلب وقته مع الموبايل .طفل بعقليه تكنولوجيه وعلاقات رائعه بزراير الموبايل التواصل أسرع لكن ده علي حساب حاجات تانيه كتيبر زي إنه
ماعندوش الفرصه الكافيه للاستمتاع واللعب في الشارع واكتساب خبرات مختلفه ولا المشاركات العائليه المتكرره
علي نطاق واسع نظرا لعوامل زي المسافات وغيرها
وده جزء من عوامل الضاغطه علي بعض الأمهات لكونها الداعم الأساسي لتربية الطفل
حضرتك مش مطلوب منك تربي أحسن تربيه( التوسط حلو طفل عنده شعور بالتقبل سعيد ومؤدب وبيحب الحياه وبيشارك في تفاصيلها .. أفضل بكتييير من طفل مضغوط ومؤدب وبالمنظور الضيق هادي ومتربي أحسن تربيه .
مش مهم يقولوا ابنك ونعم التربيه لأنه كل طفل مميز
