أوقات كتير

ا.د. فتحي الشرقاوي

في أوقات كتير..
بتبقى شاكك أن شخص معين..
هو السبب في مشكلة حصلتلك
( قال حاجه/ عمل حاجه) بس ماعندكش.
أي دليل يثبت أنه هو..
لكن إحساسك بيقولك هو….ومابيخيببش
ياترى تعمل إيه في الحالة دي..
لما تكون شاكك في حد في حاجه معينه
ياريت ماتفتحش الموضوع كده في وشه مره واحده.
وتقوله أنت عملت كذا وأنت قولت كذا…..
الأسلوب ده …ثبت عدم جدواه في كثير من المواقف
إلا لو كنت تمتلك براهين وشواهد وأشخاص للمواجهة.
لأن الشخص اللي قدامك مافيش عنده غير وسيلة.
واحدة للدفاع عن نفسه وهو الإنكار والنفي
ومش بعيد كمان يعلي صوته عليك دليل على البراءة.
وإبعاد التهمه والإدانة التي لصقتها به..
النهارده هنجرب بعض الأساليب الاخرى..
مع الشخص اللي انت شاكك فيه..إنه عمل أو قال حاجه معينه ضايقتك منه.
ركز معايا…ابتدينا. ….
الأسلوب الأول. ..
تقوله الموضوع التي محيرك على أساس أنه يخص.
حد زميلك أو صديقك أو حد من قرايبك
وتقوله تفتكر يافلان أقول لصاحب المشكله دي ايه
وأنا طبعا بثق في رائيك وحلولك..
وأول ما يبدأ يتكلم ركز في عينيه وكلامه وتعبيرات وشه
الأسلوب الثاني…
إنك تفضل تمدح فيه وتثني عليه فتره 5 دقائق. .
لحد مايحس إنه طاير في السما وبعد مايشعر بالأمان التام
عاجله بشكل مفاجىء بالسؤال بشكل حاسم
وركز على عينيه وهو بيتكلم وشوف تعبيرات وشه
الأسلوب الثالث
تخيل يافلان. أنا عرفت إنك قولت عليا كلام أو عملت حاجه.
ضايقتني منك جداً بس انا قولت وراهنت
على إنك مش ممكن أبداً تعمل كده أو تقول كده
لأن شخصيتك اللي أعرفها عنك بتقول انك مابتعملش أو تقول كده
بس قولت ادردش معاك…
علشان الناس مش عاوزانا نبقى كويسين..
وركز على عينيه وهو بيتكلم وتعبيرات وشه..
وشوف ردود الأفعال اللي هتحصل
في 3 أساليب أخري…..
طبعا اختيارك لأي أسلوب هيعتمد على سماتك الشخصية ومعرفتك بالشخص ده
وطبيعة الموضوع اللي هتفتحه ومقدار المسافة الإنسانية
اللي بينك وبين اللي هتتكلم معاه ..
ومدى تقديرك لردود افعاله معاك أثناء الحوار
فن إدارة الحوار مهارة..بالتدريب ..
نحقق فيها معدلات مرتفعة من الأداء