أنت . وطفلك. والكوفيد

كتبت /هبة صالح

بعد ما كل البيوت بقى فيها كورونا
لو عندك أعراض برد أو حرارة أو فقدان للشم والتذوق -من الآخر كده عندك إشتباه كورونا

هتعملي ايه ف العيال؟؟

– أولاً العدوي مش بتتنقل من الأم الحامل للجنين… وكمان لحسن الحظ مبتتنقلش من المُرضِعة للطفل خلال الحليب.

– عشان كده هترضعى طبيعى عادى لكن طهرى إيدك كويس وإلبسى كمامة أثناء الرضاعة أو التعامل مع الطفل.

– لو مفيش حد يساعدك والعزل مش متاح بالنسبة لك والأعراض الحمد لله خفيفة. جهزى أكل أطفالك وزوجك عادى لكن طهرى إيدك كويس قبل تجهيز الأكل والبسى كمامة على طول.

– أطفالك يعتبروا مخالطين أكليهم أطعمة غنية بفيتامين ج زى الجوافة والكيوي والبرتقال واليوسفى وعصير الليمون.

– مظهرش عليهم أى أعراض -وده الأغلب- يبقى انتي ف الأمان.

– ظهر أعراض بنعالج الأعراض زى علاج البرد بالظبط بدون أى قلق ولا توتر.

– بتغسلى الأنف وتدى دواء بسيط للكحة وخافض حرارة لو محتاج وشرب سوائل دافية بكثرة ولو الأعراض شديدة نكشف.