أنا برضه أبنك يا مصر

أنا برضه أبنك يا مصر
بقلم مصطفى سبتة
بلدي يا بلدي يا أم الدنيا

يامصر الحضارة يامصرُالعرب
حالى في حالك يا ارض الامل
لساني لسانك وحرفي من حروفك

حماتي من حنانك يادفء القدم
أنا برضه أبنك يا مصر القيم
ضمينى يا مصر ف حضنك

مهما غلطت انا برضه ابنك
ومتزعليش منى ندمان
اكمنى …. ف يوم هنتك

شفتك يا غالية بنوته حلوة
ملفوفة العود جميلة الخصر
انت كنانة الله فى الارض

والمنارة فى كل عصر
وراسك دايما فى السما
ولا تعرفيش هزيمة وكسر

صامدة فى كل المحن حتى
وقت الاستعمار والاسر
وانت يا مصر زى ما انت

فى الشدة وحتى النصر
جنودك اسود على الحدود
وعلمك بيرفرف زى النسر

علمتينا يا بلدى الصبر
وان بعد العسر يسر
ونشرتى فى الدنيا خير

ما لهوش عدد ولا حصر
وزرعت السلام بين الامم.
ومديتى بينهم الف جسر
راجعلك وانا مادد ايديه .

وارتمى فى حضنك يا مصر
امحى كل زلة فى تاريخك
واكتب بدالها شعر ونثر

وابنى بايديه فى كل حارة
وف كل شبر سرايا وقصر