أدب
أمي للشاعر يحي أبو السعود
أمي
للشاعر يحي أبو السعود
أمي اجمل حاجة شفتها
و اول كلمة نطقتها
و اول حب في حياتي
و اول قصة عشتها
من يوم ما راحت و الفرح راح
و مين بعديها يداوى الجراح
و قلبها كان دنيا براح
واخد الكل في حضنها
مهما كنت اقسي ما تقساش
تدى و لا تستناش
هي الحب و الحنان
هي الدفا و الأمان
و انا من غيرها ما بسواش
قلبها قلبي صافي و صالح
و أن زعلتها من نفسها بتصالح
كل الناس بتحبني لمصلحة
و هي بتحبني من غير مصالح
من بعدها و النعمة
الدنيا بعدها ضلمة
محتاج يا امي ليكي
محتاج منك ضمة
من بعدك بقيت غريب
مفيش في حياتي حبيب
انا اللي محتاج لحضنك
مهما أكبر و أشيب
يا ريت ترجعي ليا
تطبطبي من تاني عليا
و تاخديني في حضنك يا امة
و تشيلي جبل من فوقيا
حاسس بيكي و حاسة بيا
مع ان بيني وبينك دنيا
و عاوز اترمي في حضنك
و اقولك وحشتيني يا غالية
