أمتي تكون إنسان؟؟

‎
بقلم د.ميرفت السيد

‎… لما تكون … متصالح مع نفسك
لما تكون …نقي من جواك …
لما يكون قلبك مفيهوش … حقد و غيرة من إنسان..
لما تقدر تعبر من غير نفاق و لا رياء..
لما كلمة حب بترضيك و تمحي كل قسوه…
و تحسسك بأمان…

‎لما الرحمة في طبعك …تبقي المصدر الوحيد للحنان … والمودة مش بس أحلي أسم.. لا دة أجمل إحساس بكيان إنسان
..
لمًا تعرف معني الشوق ..في أيام تاهت فيها راحة البال ..
لما العشرة تبقي أمان من الخوف و غدر الأيام..
لما تعرف تبقي السند و الظهر لمظلوم .... هتبقي اكيد … إنسان

‎لما تعرف تفرح بالحروف ..لما الإحتواء هو اللي ينجيك م الخوف ..
لما قلبك يبقي عارف معني الاهتمام .. والغلاوة اللي مستحيل تمحيها …لا سنين و لا مسافات …
‎ ..لما تحب عصفور سارح في ملكوت الله.
.. لما الشوق يناديك من وسط الزحمه .. لهدوء ملامح ..و لغه عيون من غير كلمات

لما في عز الليل تبقي الراحة بسجده ..
و دعاء بتمني و بخشوع … ينجيك من وجع الايام

‎.. تبقي حقيقي من جواك
‎إنسان .. و طيبه قلبك هي .. سر نقائك …
و العنوان