أسامة كمال تعليقا بعد بكاء ورده"أتفهم إن ده سن التهور مش والتحرشزو الكذب يابني"

أسامة كمال تعليقا بعد بكاء ورده”أتفهم إن ده سن التهور مش والتحرشزو الكذب يابني”
كتب وليد محمد
علق الإعلامي اسامة كمال، على استبعاد عمرو ورده من صفوف المنتخب المصري، بعد انتشار فيديو تحرش له على مواقع التواصل الاجتماعي ليصل إلى مدير المنتخب والجهاز الفني واللاعبين، ما استدعي رفع الأمر من إيهاب لهيطة، مدير المنتخب إلى هاني أبوريدة، رئيس الاتحاد المصري لكرة القدم”
وقال كمال عبر برنامجه مساء DMC اليوم الخميس “:طبعاً يا عمرو وردة مافيش حاجة اسمها كدة.. ممكن طبعاً أنا كأسامة أتفهم إنك شاب صغير ودة سن التهور، مش سن التحرش، لكن مافيش أي سن اسمه سن الكذب يابني”
وتابع كمال “منذ الصباح لاتوجد سيرة غير المنتخب ومشكلة عمرو_وردة، وانتهت بقرار هانى أبو ريدة المشرف العام على المنتخب، ورئيس اتحاد الكرة ،بخروجه من معسكر المنتخب وحرمانه من شرف تمثيل مصر”.
وأوضح كمال” سيرة عمرو ورده والفيديو عدت الحدود بسبب الطريقة الغلط اللى تم بيها إدارة الأزمة، طريقة خلت ناس كتير ما تخدش بالها من استشهاد 7 أبطال من الشرطة، ما هماش زى عمرو ورده ولا شغلهم فيديو عمرو ورده والبنت المكسيكية”.
….
وتابع الإعلامي اسامة كمال مقدم برنامج مساء DMC ، إن المدير الفني الفراعنة خافيير أجيري قرر خلال مؤتمر صحفي سابق إغلاق ملف موقع الإنستجرام للاعبي المنتخب، وقراره بعدم توقيع عقوبة على أي لاعب، مضيفا أن أحمد المحمدي قائد المنتخب قال اجيرى اتكلم دقيقتين بالظبط على الموضوع و الأمور رجعت لطبيعتها.
وعلق كمال خلال حلقة اليوم من برنامجه مساء DMC اليوم الأربعاء “حصل اللي حصل، آيه بقى اللى حصل، مضيفا أن الأهم هو إيه العك دة؟ مش عك من شاب عمرو كام وعشرين سنة بس، لأ من الكبار المحترمين اللي مش قادرين يحافظوا على سر فى معسكر المنتخب”
وتابع كمال “هو كان لازم يتم استبعاد وردة بس عشان نقفل القصة ونخلص؟ ماشي، بس كان ممكن عمرو يخرج من المعسكر فى هدوء ومن غير بلبلة، من غير ما نقول شفنا فيديو قديم، فيخرج. طب ما انت ماخدتش موقف فى الجديد اللى حصل من يومين عشان تاخد في القديم اللي حصل ماعرفش امتى”.
….
علق الإعلامي اسامة كمال مقدم برنامج مساء DMC ، على هجوم إرهابيين، استهدف مساء الثلاثاء منطقة تمركز قوات الشرطة جنوب غرب العريش، أدى إلى مصرع 7 عناصر أمنية، إلى جانب 4 متطرفين.
وقال كمال عبر برنامجه مساء DMC اليوم الأربعاء” مش كتير اللي خدوا بالهم من خبر الاستشهاد اللى تضاءل ع السوشيال و مواقع الأخبار من كتر الاخبار اللى بتتنشر عن عمرو ورده، وبجد دي مصيبة في رأيي تأثر على الروح المعنوية لرجالتنا اللي بيحاربوا الارهاب حرب وجود”.
وتابع كمال “نا الحقيقة ما عنديش علم لو كانت الكماين الثابتة مؤثرة وللا مضرة، عشان مادرستش في الجامعة فن الكماين ولا تحركات القوات وانتشارها فما بقدرش أفتي، لكن الناس التانية عنها قدرة فتوى عالية مع إنهم زيهم زيي مالهمش فيها، بس تقول ايه؟”.
وأردف” :انشغالنا بالروح المعنوية بلاعيبتنا في المنتخب، أنا أسف وعارف إن كلامي مش هيعجب، روح الرجالة دول المعنوية أهم من روح لعيبة المنتخب.. أنا أسف تاني ماتزعلوش، رأيي البطولة المهمة مش بأهمية ضفر جندي واحد من رجالنا”.
ونعى كمال شهداء الحادث قائلا” ربنا يرحم شهداءنا.. الشوية القليلين اللي الموضوع لفت نظرهم، معظمهم وجه بالانتقاد للكامين الثابتة”.

….