ثقافة وفن
أخطاء بالجملة بولد الغلابة
أخطاء بالجملة بولد الغلابة
كتب /
احمد الشاعر
مسلسل “ولد الغلابة” ومن اول حلقه ملئ بالمغالطات .. يعنى ايه تبقى
مدرسة ثانوية فى ارقى مكان فى ملوى ويجيبوها وسط الغيطان .. واللهجه
كمان دى مش لهجتنا دى لهجة الصعيد الجوانى .. حتى اللى عايشين فى
ارياف ملوى مش بيتكلموا كده .. المسلسل ده من أوله فاشل .. وياريت لما
يحبوا ينقلوا ثقافة اى مكان المفروض انهم يروحوا يعيشوا فيه فى شوية
عشان ينقلوا ثقافته صح لان الدراما المفروض انها بتعكس الواقع .. واللى
بيحصل فى مسلسل “ولد الغلابه” ده مش واقع ملوى اطلاقا .. ملوى بلد
حضارية جدا وعريقة وبها ثانى متحف بعد المتحف المصرى وتابع لها قرى اثريه
مثل تونة الحبل وتل العمارنه والشيخ عبادة ولما بتروح اى مكان فى مصر
وتقول أنا من ملوى يعرفوا انك من بلد البشوات وهى اكبر مركز على مستوى الجمهوريه بعد المحله الكبرى .. فياريت لما ننقل الواقع بالدراما ننقله صح لان
ده تاريخ وليه دائما الصعيد حقه مهدر فى الدراما المصريه .. مش المفروض
الدراما بتعبر عنا ليه بيعبروا عنا غلط دايما ويجبلك الصعيدى مش بيفهم مع أن
الصعيد طالع منه الاديب العالمى طه حسين والزعيم جمال عبد الناصر وفنانين
زى سناء جميل ميرفت امين والشاعر عبد الرحمن الابنودي وهدى شعراوى
والسيدة مارية القبطيه زوجة الرسول عليه الصلاة والسلام والشاعر حافظ
إبراهيم والشيخ محمد سيد طنطاوى والعقاد ورفاعه الطهطاوى واللاعب احمد
حسن والكثير من المشاهير فى كل المجالات .. يعنى الصعيد المفروض أنه
فخر لمصر .
