بقلم:محمدابوالحسن
ياإسم غالى على لسانى
وأجمل زهره فى
بستانى
يانور شقشق بعد ظلام
رجع لليلى نهار تانى
نسانى ياما جراح وألام
ورد فيا الروح تانى
ياحلم كنت نسيته
خلاص
نده عليا وصحانى
سقانى حنيه وإخلاص
ولسكة الحب هدانى
عشت معاه أجمل
إحساس
وملانى أحلام وأمانى
قلبه مش زى قلوب
الناس
أغلى من الدهب
والماس
لايعرف حقد ولاأنانى
كله رقه وإحساس
نسانى همى وأحزانى
حبيته من قلبى وقلت
خلاص
هسقيه من حبى
وحنانى
واداريه عن عيون
الناس
لايلوف على غيرى
وينسانى
بعدماعشش جوه الراس
وملك قلبى ووجدانى
سيبونى فى حالى كفايه
ياناس
يمكن يصفالى زمانى
وأشوف الهنا والسعد
معاه
وخلاص يامُر بقى
انسانى
بقلم محمدابوالحسن
