متضربيهوش أنتي ولا تتعصبي ولا تاخدي رد فعل عنيف بأي شكل لأن هتقعدوا في نفس دايره العنف دي مع بعض وتخسروا أنتوا الاتنين عليكوا بالتجاهل ببساطة كأنه مش بيضرب
(ايديك فيها كام صباع؟؟.. تيجي نعدهم؟
(انت عايز تلعب معاه؟؟.. وتسقفوا
وهكذا…
ليه تجاهل ؟
لأنه إما مش قاصد ..أو مش عارف يتصرف أزاي …أو بيقلد حد …فبلاش نعاقبه على حاجة مش فإيده.
أعمليله وقت خاص بيه تحبوا بعض تحضنوا بعض تعملوا حاجات سوا ممتعه عشان يحس بالحب والأمان.
خرجوا ولادكم.. خرجوا ولادكم… خرجوا ولادكم… مش في مول ولا ملاهي …في جنينة علي أول الشارع يجروا ويتنططوا ويتشعلقوا فالشجر ويطينوا هدومهم من كتر اللعب
زي ما بتستنيه يضرب فتقولي كده غلط لما يعمل حاجات صح أوصفيها
(الله لميت لعبك في مكانها
(رسمتك رائعه باللون الأحمر)
دايما فكرية بالسلوكيات الحلوة عشان يعرف أنك متنبهه لإيجابياته مش سلبياته.
محدش يتخانق قدامة كتير.ونقلل شاشات شويةونشغل حاجات مفيدة فالوقت المسموح.
لما يعمل حاجة غلط متقوليش (مش بحبك وزعلانه منك عشان عملت كذا) لا قولي
(انا مش بحب السلوك الفلاني لكن بحبك طبعا)
وبردة لما يعمل حاجة صح متقوليش (بحبك عشان عملت كذا)
بلاش نتاجر بحبنا لولادنا إحنا بنحبهم دايما بكل حاجة فيهم ولازم يوصلهم دا لازم يوصلهم حبنا الغير مشروط ليهم .
ودايما نفتكر إحنا مش في تحدي معاهم إحنا بنحاول نعلمهم إزاي يكبروا.
