الوحدة القاتلة

الوحدة القاتلة

كتب/احمد فوزي

البقاء لله وفاة الفنان هيثم احمد ذكي أقسى ما في قصة

وفاة هيثم أحمد زكي هو الوحدة و مدى قسوة شعور

الشخص بيها حتى لو ماكانش إجتماعي كنت شوفتله لقاء مع

عمرو الليثي من كام سنة بيتكلم عن ده خصوصاً إن تقريباً

عيلته كلها مات منهم أقرب الناس ليه سواء والدته هالة فؤاد

اللي إتوفت و هي عندها 35 سنة أو والده الراحل العظيم

أحمد زكي طبعا و جده و جدته و خاله و إنه كان عايش في

بيت والده القديم لوحده لحد ما خطب من سنة أعتقد الموت

هو الحقيقة الدائمة لكل الناس لكن أصعب ما في الوحدة هو

زي اللي حصل له ده إنهم يفتحوا البيت عليه يلاقوه ميت

فيه بدون ما يكون معاه حد أو يشاركه آخر لحظاته أو حتى

يحاول يساعده لو كان مريض للأسف يا هيثم : محدش

بيعرف قيمة عذاب اللي عايش لوحده غير اللي بيعيش الحاله

دي دايما بيبقى عنده هاجس انه ممكن يموت في لحظه

ومحدش يعرف إلا بعد فوات الاوان حياه عامله زي كلبش

الحديد وعالم واسع انت دايما الوحيد اللي بتحس انك

محبوس في قفص حديد لا حد حاسس بك ولا حد يطبطب

عليك. حتى مشاعرك حزنك فرحك ميبقاش له قيمه لأن

فرحك أو حزنك لوحدك مالوش اي معنى أو قيمه في الحياه.

حبوا بعض واسعدوا بعض طول ما فيكم الروح الدنيا بقت

وحشه اوي “الَّذِينَ إِذَا أَصَابَتْهُم مُّصِيبَةٌ قَالُوا إِنَّا لِلَّهِ وَإِنَّا إِلَيْهِ

رَاجِعُونَ” الله يرحمه و يرحم والده أحمد زكي و والدته هالة

فؤاد و عائلته و جميع أمواتنا اللهم إهدنا و ثبتنا على طريقك المستقيم